ԴՐԻՄ ՍԻԹԻ ԴԻՎԵԼԸՓՄԵՆԹ ԸՆԿԵՐՈՒԹՅԱՆ ԴԵՐԸ ՅԵՐՐԱ ԾՐԱԳՐԻ ՁԵւԱՎՈՐՄԱՆ ՄԵՋ

Ապագայի համայնք-կեցավայրի կոնցեպտուալ ձևավորման, նախագծման և իրականացման փուլերի մշակումը 1SQ ընկերության պատվերով իրականացնում է DCD (Dream City Development) ընկերությունը։
Նախագծի մշակման մեկնարկից ի վեր ընկերության կողմից մասնագիտական լայն և նեղ ոլորտային քննարկումներ են հրավիրվել Հայաստանում գործող, մասնագիտական շրջանակներում մեծ հեղինակություն վայելող մասնագետների ներառմամբ: Համայնքի կենսունակ մոդելը ձևավորելու մարտահրավերով, անցկացվել են տասնյակ քննարկումներ և մոդելավորման սեսիաներ:
Եւ ամենակերևորը, 1SQ ընկերության և DCD ընկերության կառուցողական համագործակցության արդյունքում DCD թիմի կողմից, որպես հետագա զարգացման պլանի հիմք, մշակվել է նախագծի կոնցեպտուալ շրջանակը, իրականացման ճանապարհային քարտեզի հիմքը և համայնք-կեցավայրի առաջարկվող ճարտարապետական նախագիծը: Ինչպես նաև հաստատվել է ծրագրի լիարժեք ձևավորման համար անհրաժեշտ ոլորտային ուսումնասիրությունների ցանկը:

Ծրագրի արդյունավետ ու պատասխանատու իրագործման համար պահանջվող քայլերն ու գործողությունները դինամիկ ռեժիմով մշակվում և համաձայնեցվում են պատվիրատուի թիմի հետ: Թիմային աշխատանքի արդյունքում DCD և 1SQ ընկերությունները դեռ կոնցեպտուալ շրջանակի ձևավորման փուլում հաստատեցին այն քայլերը, որոնք պահպանելով ծրագրի “մեծ պատկերը”, թույլ կտան նախագծին զարգանալ իրագործման նվազագույն ռիսկերով:

Ապագայի Համայնքի Մոդել

Հայաստանում ապագայի համայնքի մոդելը ձևավորելուն միտված այս ծրագիրը նպատակ ունի ստեղծել ժամանակակից մարդու կյանքի, կենսագործունեության և զարգացման համար ներդաշնակ և տեխնոլոգիահեն նոր միջավայր, որը կձևավորվի Մարդ – Բնություն – Տեխնոլոգիա
Նոր համայնք-կեցավայրը միտված է լինել առանձնահատուկ ենթակառուցվածքային միջավայր, որտեղ յուրաքանչյուրը կարող է բացահայտել և զարգացնել իր հոգևոր, ֆիզիկական և մասնագիտական կարողությունները։
կոորդինատային համակարգի մեջ։